કોંગ્રેસને વધુ એક ફટકો, બોક્સર વિજેન્દર સિંહ ભાજપમાં જોડાયા
Vijender Singh Joins BJP: લોકસભા ચૂંટણી 2024 પહેલા આંતરરાષ્ટ્રીય બોક્સર વિજેન્દર સિંહ કોંગ્રેસ છોડીને ભાજપમાં જોડાયા છે. વિજેન્દર સિંહ બીજેપી હેડક્વાર્ટર પહોંચ્યા અને પાર્ટીની સદસ્યતા લીધી. નોંધનીય છે કે, અગાઉ એવી ચર્ચા હતી કે કોંગ્રેસ વિજેન્દરને મથુરાથી ભાજપના ઉમેદવાર હેમા માલિની સામે મેદાનમાં ઉતારી શકે છે. અગાઉ સિંહને 2019ની લોકસભા ચૂંટણીમાં દક્ષિણ દિલ્હી બેઠક પરથી કોંગ્રેસના ઉમેદવાર બનાવવામાં આવ્યા હતા. આ ચૂંટણીમાં તેમને ભાજપના રમેશ બિધુડી સામે હારનો સામનો કરવો પડ્યો હતો.
VIDEO | Boxer and former Congress leader Vijender Singh (@boxervijender) joins BJP in the presence of the party's National General Secretary Vinod Tawde (@TawdeVinod) in Delhi. pic.twitter.com/3VIDsSMkh4
— Press Trust of India (@PTI_News) April 3, 2024
ભાજપમાં જોડાયા બાદ વિજેન્દર સિંહની પહેલી પ્રતિક્રિયા
ભાજપમાં જોડાયા બાદ વિજેન્દર સિંહે કહ્યું કે, ‘વર્ષ 2019માં મેં કોંગ્રેસ તરફથી ચૂંટણી લડી હતી, પરંતુ હું દેશના વિકાસ અને પ્રગતિ માટે કામ કરવા માંગુ છું. હું લોકોનું ભલું કરવા ભાજપમાં જોડાયો છું.
ખેલાડીઓનું ભલું કરવાની વાત
દેશના ખેલાડીઓ મોદી સરકારથી નારાજ છે. જંતર-મંતર પર લાંબા સમય સુધી આ અંગે વિરોધ ચાલુ રહ્યો. વિજેન્દર સિંહ એક ખેલાડી તરીકે શું કરશે? આ સવાલના જવાબમાં તેમણે કહ્યું કે તેઓ પહેલાથી જ ખોટાને ખોટા અને સાચાને સાચા કહેતા આવ્યા છે. હવે ભાજપમાં જોડાઈને તે ખેલાડીઓના કલ્યાણ માટે કામ કરવા માંગે છે.
વિજેન્દર સિંહ દ્વારા જાટ સમુદાયને મદદ કરવાની તૈયારી
બોક્સર વિજેન્દર સિંહ હરિયાણાના છે અને જાટ સમુદાયનો મોટો ચહેરો છે. આવી સ્થિતિમાં ભાજપ હરિયાણા અને પશ્ચિમ ઉત્તર પ્રદેશ માટે તેમના દ્વારા જાટ સમુદાય સુધી પહોંચી શકે છે. વિજેન્દર સિંહ હંમેશા રાજ્ય અને કેન્દ્ર સરકાર વિરુદ્ધ અવાજ ઉઠાવતા રહ્યા છે. હરિયાણામાં રાજ્ય સરકાર ભાજપની છે અને કેન્દ્રમાં પણ ભાજપની સરકાર છે. જો કે હવે વિજેન્દર સિંહ પોતે ભાજપમાં જોડાઈ ગયા છે.
રાહુલ ગાંધીએ 24 કલાક પહેલા જ આ પોસ્ટ શેર કરી હતી
નોંધનીય છે કે વિજેન્દર સિંહે તાજેતરમાં કોંગ્રેસ નેતા રાહુલ ગાંધીની પોસ્ટ શેર કરી હતી, જેના દ્વારા તેમણે ભાજપ પર નિશાન સાધ્યું હતું. વાસ્તવમાં એક વીડિયો દ્વારા રાહુલ ગાંધીએ ભાજપ સરકાર સામે સવાલ ઉઠાવ્યો હતો કે યુવાનોને નોકરી કેમ નથી મળી રહી? આ સવાલને સમર્થન આપતા વિજેન્દર સિંહે પણ આ પોસ્ટ શેર કરી છે. બીજા જ દિવસે વિજેન્દ્ર સિંહ ભાજપમાં જોડાયા.
