પાકિસ્તાન ભારતને ઉશ્કેરી રહ્યું છે, સતત બીજા દિવસે મિસાઇલનું પરીક્ષણ કર્યું
Pakistan Fatah Missile Test: જમ્મુ-કાશ્મીરના પહલગામમાં થયેલા આતંકવાદી હુમલા બાદ ભારતના કડક વલણથી પાકિસ્તાન ચોંકી ઉઠ્યું છે. પાકિસ્તાનને ડર છે કે ભારત તેની સામે લશ્કરી કાર્યવાહી કરી શકે છે. આ દરમિયાન, ડરી ગયેલા પાકિસ્તાને ફરી એકવાર પોતાની મિસાઈલ શક્તિ બતાવવાનો પ્રયાસ કર્યો છે. પાકિસ્તાની મીડિયા અનુસાર પાકિસ્તાને સરફેસ ટુ સરફેસ પ્રહાર કરતી ફતેહ મિસાઇલનું પરીક્ષણ કર્યું છે. એવો દાવો કરવામાં આવે છે કે આ મિસાઇલ 120 કિલોમીટર સુધી પ્રહાર કરી શકે છે.
Pakistan successfully carried out a training launch of the Abdali Weapon System, a surface-to-surface missile capable of striking targets up to 450 kilometres away.https://t.co/XkgAnIfzBE pic.twitter.com/EkjFjnDT40
— Ali Sajjad (@AliSajjadceo) May 4, 2025
ફતેહ મિસાઇલ વિશે વાત કરીએ તો, તે ટૂંકા અંતરની સરફેસ ટુ સરફેસ પ્રહાર કરતી બેલિસ્ટિક મિસાઇલ છે. આ ઘન ઈંધણ આધારિત મિસાઈલ છે જેના કારણે તેને ઝડપથી લોન્ચ કરી શકાય છે. તે પરંપરાગત અને બિનપરંપરાગત (પરમાણુ) શસ્ત્રો વહન કરવામાં સક્ષમ માનવામાં આવે છે. પાકિસ્તાનનો દાવો છે કે તે આધુનિક નેવિગેશન સિસ્ટમથી સજ્જ છે જે તેને સચોટ બનાવે છે.
અબ્દાલી મિસાઈલનું પરીક્ષણ કર્યું
ભારત સાથે વધતા તણાવ વચ્ચે પાકિસ્તાને પોતાની મિસાઈલનું પરીક્ષણ કર્યું હોય તે આ પહેલી વાર નથી. તાજેતરમાં તેણે અબ્દાલી શસ્ત્ર પ્રણાલીનું પરીક્ષણ કર્યું હતું જે સપાટીથી સપાટી પર 450 કિલોમીટરના અંતરે પ્રહાર કરવામાં સક્ષમ છે. અબ્દાલી મિસાઈલ પરીક્ષણ બાદ રાષ્ટ્રપતિ આસિફ અલી ઝરદારી અને વડાપ્રધાન શાહબાઝ શરીફે વૈજ્ઞાનિકો અને એન્જિનિયરોને અભિનંદન પાઠવ્યા હતા.
