પહલગામ મામલામાં જાપાન ભારતની સાથે છે, બંને દેશોના રક્ષામંત્રીઓની મોટી બેઠક
India Japan Meeting: પહલગામમાં થયેલા આતંકવાદી હુમલા અને 26 લોકોની ક્રૂર હત્યા બાદ ભારત અને પાકિસ્તાન વચ્ચે તણાવ ચરમસીમાએ છે. ભારત સરકારે સ્પષ્ટ કર્યું છે કે તે આતંકવાદીઓ અને તેમના આકાઓ સામે કડક કાર્યવાહી કરશે. આ દરમિયાન, ભારતીય સંરક્ષણમંત્રી રાજનાથ સિંહ અને જાપાની સંરક્ષણમંત્રી નાકાતાની વચ્ચે એક મોટી બેઠક થઈ છે. આ બેઠકમાં પહલગામ આતંકવાદી હુમલા પર પણ ચર્ચા કરવામાં આવી હતી.
#WATCH | Defence Minister Rajnath Singh and Japanese Defence Minister General Nakatani hold a bilateral meeting in Delhi. pic.twitter.com/rZbRs9eHQC
— ANI (@ANI) May 5, 2025
કયા મુદ્દાઓ પર ચર્ચા થઈ?
માહિતી અનુસાર આજે ભારત અને જાપાનના સંરક્ષણમંત્રીઓ વચ્ચે પહેલગામ આતંકવાદી હુમલા, ભારત અને પાકિસ્તાન વચ્ચે વધતા તણાવ અને દક્ષિણ ચીન સમુદ્રમાં ચીનની વધતી લશ્કરી ગતિવિધિઓ અંગે એક બેઠક યોજાઈ હતી. બંને પક્ષોએ પ્રાદેશિક અને આંતરરાષ્ટ્રીય સુરક્ષા પરિસ્થિતિ અને દ્વિપક્ષીય સંરક્ષણ સહયોગને વધુ વધારવા અંગે ચર્ચા કરી. છેલ્લા 6 મહિનામાં બંને દેશોના રક્ષામંત્રીઓની આ બીજી બેઠક છે.
It was a delight to meet Japan’s Defence Minister Gen Nakatani San in New Delhi. India shares a Special, Strategic and Global partnership with Japan. During the bilateral meeting we discussed defence cooperation and regional security. Both sides condemned terrorism in all forms… pic.twitter.com/cqd7CWyxLS
— Rajnath Singh (@rajnathsingh) May 5, 2025
રાજનાથે જાપાન સરકારનો આભાર માન્યો
ભારત-જાપાનના સંરક્ષણમંત્રીઓની બેઠકમાં સંરક્ષણમંત્રી રાજનાથ સિંહે કહ્યું- “હું પહલગામ આતંકવાદી હુમલાના પગલે ભારત સાથે મજબૂત એકતા દર્શાવવા માટે જાપાન સરકારનો આભાર માનું છું. ભારત-જાપાન સંરક્ષણ સંબંધોને વધુ ગાઢ બનાવવામાં તમારા અપાર યોગદાન બદલ હું આ તકનો લાભ લઈ રહ્યો છું.
બેઠકમાં આતંકવાદની નિંદા
ભારત અને જાપાન વચ્ચે સંરક્ષણમંત્રી સ્તરની બેઠક બાદ, સંરક્ષણમંત્રી રાજનાથ સિંહે X- પર ટ્વિટ કર્યું, “નવી દિલ્હીમાં જાપાનના સંરક્ષણમંત્રી જનરલ નાકાતાની સાનને મળીને આનંદ થયો. ભારત અને જાપાન વચ્ચે ખાસ, વ્યૂહાત્મક અને વૈશ્વિક ભાગીદારી છે. બેઠક દરમિયાન અમે સંરક્ષણ સહયોગ અને પ્રાદેશિક સુરક્ષા અંગે ચર્ચા કરી. બંને પક્ષોએ આતંકવાદના તમામ સ્વરૂપો અને અભિવ્યક્તિઓની નિંદા કરી અને સરહદ પારના જોખમોનો સામનો કરવા માટે સહયોગ અને પ્રયાસો વધારવાની જરૂરિયાત પર ભાર મૂક્યો.
