મ્યાનમાર અને થાઈલેન્ડમાં ભૂકંપની તબાહી પર PM મોદીએ કહ્યું, ‘ભારત મદદ કરવા તૈયાર’
Earthquake in Bangkok: આજે મ્યાનમાર અને થાઈલેન્ડની રાજધાની બેંગકોકમાં ભૂકંપના જોરદાર આંચકા અનુભવાયા હતા. હવામાન વિભાગના જણાવ્યા અનુસાર, ભૂકંપની તીવ્રતા રિક્ટર સ્કેલ પર 7.7 માપવામાં આવી હતી, જે ખૂબ જ ઘાતક હતી. આ ભૂકંપ પછી, થાઇલેન્ડના ઘણા શહેરોમાં ઇમારતો ધ્રુજી ઉઠી અને રસ્તાઓ પર તિરાડો દેખાઈ હોવાના અહેવાલો આવ્યા છે.
Concerned by the situation in the wake of the Earthquake in Myanmar and Thailand. Praying for the safety and wellbeing of everyone. India stands ready to offer all possible assistance. In this regard, asked our authorities to be on standby. Also asked the MEA to remain in touch…
— Narendra Modi (@narendramodi) March 28, 2025
આ ભૂકંપ પછી, ભારતના PM નરેન્દ્ર મોદીએ સોશિયલ મીડિયા પર ચિંતા વ્યક્ત કરી અને આ સંકટની ઘડીમાં અસરગ્રસ્ત દેશો સાથે ભારતની સંપૂર્ણ સહાનુભૂતિ વ્યક્ત કરી. પીએમ મોદીએ પોતાના ટ્વિટમાં કહ્યું, “હું દરેકની સલામતી અને સુખાકારી માટે પ્રાર્થના કરું છું. ભારતે શક્ય તમામ સહાય પૂરી પાડવાનું વચન આપ્યું છે. આ સંદર્ભમાં, ભારતીય અધિકારીઓને તૈયાર રહેવા કહેવામાં આવ્યું છે. આ ઉપરાંત, વિદેશ મંત્રાલય (MEA)ને મ્યાનમાર અને થાઇલેન્ડની સરકારો સાથે સંપર્કમાં રહેવા માટે કહેવામાં આવ્યું છે.
મ્યાનમારમાં આવેલ ભૂકંપના ભયાનક દ્રશ્યો#MyanmarEarthquake | #EarthquakeScenes | #NaturalDisaster | pic.twitter.com/eDIMXk0gJe
— NewsCapital Gujarat (@NewsCapitalGJ) March 28, 2025
ભારતની તૈયારી
ભારતે પણ આ કટોકટીની પરિસ્થિતિમાં તાત્કાલિક સહાય પૂરી પાડવા માટે પગલાં લીધાં છે. PM મોદીએ ભારતીય અધિકારીઓને તાત્કાલિક સહાય પૂરી પાડવા માટે સતર્ક રહેવા નિર્દેશ આપ્યો છે. વિદેશ મંત્રાલય (MEA)ને મ્યાનમાર અને થાઇલેન્ડની સરકારો સાથે સંપર્ક જાળવવાનો પણ નિર્દેશ આપવામાં આવ્યો છે જેથી અસરગ્રસ્ત વિસ્તારોમાં ઝડપથી રાહત પહોંચાડી શકાય.
https://twitter.com/NewsCapitalGJ/status/1905524072001536176
ભૂકંપ ક્યારે આવ્યો?
USGS અનુસાર, ભૂકંપ બપોરે 12:50 વાગ્યે મ્યાનમારમાં આવ્યો હતો, તેનું કેન્દ્ર સાગાઈંગથી 16 કિલોમીટર નોર્થ વેસ્ટમાં હતું. 12 મિનિટ પછી, બીજો ભૂકંપ અનુભવાયો, જેની તીવ્રતા 6.4 માપવામાં આવી. તેનું કેન્દ્ર થાઈલેન્ડની રાજધાની બેંગકોકમાં હતું.
